KALIBO, Aklan—Ginkumpirma it barangay council it Albasan, Numancia nga eubusan eon nga ginpasarado it Department of Public Works and Highways ukon DPWH-Aklan ro andang tulay nga nagakonekta sa Brgy. Camanci Sur sa nasambit nga banwa.
Suno kay punong barangay Royden Perlas nga haeos sang domingo eon ro nagtaliwan umpisa nga raya hay ginpasarado.
Maskin sigon sanda hay nakibot sa naging desisyon it ahensiya.
Nasayuran nga matapos ro ginpatigayon nga inspection hay posibleng nakita it DPWH nga bukon eon it eowas nga agyan it mga tawo ro tulay.
Gindugang pa ni kapitan Perlas nga matapos nga magpungko sa pwesto ko 2023 hay insigida imaw nga nag-imbestiga angot sa nasambit nga problema.
Matsa nagatueur-an sigon ro DPWH ag contractor sa owa natapos nga construction it tulay nga gina-alegar nga kinapos sa pondo.
Depensa man suno kana it contractor nga natigayon eon nanda nga maturn-over ro proyekto sa DPWH .
Samtang nakataeana sanda nga magpadaea it sueat sa natungdan nga ahensiya it gobyerno agud nga matumod kon ham-an nga imbes nga pagakumpunihon hay ginsarado ro tulay kon sa siin maabu nga mga pumueuyu partikular ro mga estudyante nga naga-agi adlaw adlaw ro nagareklamo.
