Ginpahayag ni Punong Barangay Daisy Andrade it Brgy. Estancia, Kalibo nga gintaw-an nanda it certification si Mr. Rodelo Danong, tag-ana it sangka peryahan sa nasambit nga barangay agud nga legal nga maka-operate it anang negosyo halin ko Oktobre 1 hasta it Disyembre 31, 2022.
Apang kinahang-ean it mga raya nga magsunod sa striktong sueondanan pag-abot sa health protocols ag gilayon nga i-revoke ro nasambit permit engkaso nga makitaan sanda it pag-eabag.
Ginklaro man ni Andrade nga uwa sanda it reklamo nga nabaton sa barangay angot sa operasyon it peryahan.
Raya hay kasunod it mga nataeopangdan nga may illegal nga sugae sigon nga nagakatabo sa sueod it peryahan bangud sa mga maeagkuan nga taya.
Gina-ekspektar man it kapitan nga pag-abot sa peryahan hay puro kasadyahan eamang ro maeksperyesyahan sa sueod.
Sa kamatuoran suno kana hay tig-tatlong ka mga tanod ro nagabantay sa nasambit nga peryahan ag mismong ro tag-an kara ro nagapasweldo kanda kada gabie.
