Ginkumpirma ni punong barangay Roselyn Dela Rosa it Brgy. Andagao, Kalibo nga uwa imaw nagta-o it permit sa tag-iya it peryahan nga nahamutang nga sakop sa anang barangay.
Raya hay matapos nga uwa imaw naila nga may matabo nga pasugaean sa anang nasakupan nga lugar.
Sa anang pakikipag-istorya sa tag-iya hay may ginpakita raya nga permit maghalin sa office of the mayor apang ro nakabaehag nga address hay barangay Estancia kon siin may idto man nga sambilog nga peryahan nga bukon sigon it imaw ro tag-iya apang dato hay may certification nga gin-isyu ni punong barangay Daisy Andrade.
Nakit-an man sigon ni kapitan Dela Rosa nga special events ro gin-isyu kanda nga permit apang nagpanindugan imaw nga nana raya naisyuhan it maskin anong dokumento maghalin sa anang opisina.
Apang, ginarespeto sigon nana si Kalibo mayor Juris Sucro nga idto naghalin sa anang opisina ro special events permit nga ginabuytan it tag-iya it peryahan rason nga uwa imaw sa posisyon para pamalibaran ro andang operasyon.
