Nakataeana nga buytan it Pilipinas ro pinakamabahoe nga numero it mga S-70i Black Hawk helicopter sa bilog nga kalibutan.
Una nga ginsueod it Pilipinas ro kontrata kaibahan ro Lockheed Martin para sa pagbakae it kabilugan nga 32 Sikorsky Black Hawk helicopters sa idaeom it Additional Utility Helicopters Acquisition Project it Department of National Defense.
Suno kay Sikorsky Aircraft vice president of Army and Air Force Systems Hamid Salim, oras nga makumpleto ro nasambit nga deal ro Pilipinas ro magaserbi nga may pinakamaabo nga S-70i Black Hawks.
Ro nasambit nga saircraft sigon hay nagasuporta sa Pilipinas nga proteksyunan ag alagaan ro teritoryo kara ag ro paggamit sa mga nasambit nga aircraft hay magaserbing security advantage sa Indo-Pacific Region.
Ku 2024, pueo nga Black Hawk ro naideliver eun sa Pilipinas ag kun makumpleto ro kabilugan nga deal hay magaabot eun sa 47 ro mga S-70i sa nasyon .
Ro mga habilin hay ginasaliga nga maideliver eun sa Pilipinas sa masunod nga daywang buean.
