-- ADVERTISEMENT --
Nag-umpisa eon nga magtraining ro Philippine Men’s Volleyball Team sa training camp sa Doha, Qatar nga magabuhay it hasta Abril 9.
Ginakaeakipan raya nanday Jao Umandal kaibahan ro iba pang mga Pinoy spiker bilang kaparte it pagpahaum sa 31st Southeast Asian Games 2022 nga pagahiwaton sa Hanoi, Vietnam sa Mayo 12 hasta 23.
Ko kan-o eamang hay nagdaog sa PH 6 exhibition ro pambato it nasyon kontra Qatar U-23 team sa scores nga 25-19, 25-4 ag 25-16 samtang gintapos man it koponan ro Al Gharafa Sports Club sa scores nga 25-22, 25-17 ag 25-22.
Madumduman nga makasaysayang nakabuoe it silver medal para sa Pilipinas ro Men’s Volleyball Team sa 30th Sea Games 2019 nga ginhiwat sa nasyon.
