KALIBO,Aklan– Sa pag-arangkada it blood donors month makaron nga Hulyo, gin-engganyo it Philippine Red Cross, Aklan chapter ro publiko nga makipagbahin sa mga blood letting activity nga ginapatigayon sa andang komunidad ukon sa maeapit nga kabarangayan.
Suno kay Mary Joe Galleon, provincial administrator it PRC Aklan nga mag-eowas nga nakabulig sa nagakinahang-ean it dugo hay may benepisyo man raya sa ikaayong eawas.
Ginpaathag ni Galleon ro pila sa mga benepisyo nga mabuoe it indibidwal nga nagadonar it dugo ag raya hay ginakaeakipan it naganaba ro risgo it heart disease ag heart attack bangud nga nababawasan ro nakabara sa iligan it dugo sa tagipusuon bangud nga ro pag-donate it dugo hay insigidang nai-improve ro overall cardiovascular health.
Mag-eowas kara, manaba man ro risgo nga ma-develop ro cancer, mapabilin nga malusog ro liver, ma-burn ro calories ag maabo iba pa.
Angot kara, may mga series of blood letting activity nga naka-schedule ro PRC Aklan sa mga komunidad para madugangan ro presenteng supply it dugo nga una sa andang taeatapan.
