NATIONAL News — Gin-engganyo ni Vice President Sara Duterte ro mga tagasuporta it anang ama nga si dating Presidente Rodrigo Duterte sa The Hague, Netherlands, nga magpatigayon eon lang it picnic para sa dating presidente sa anang ika-80 nga kaadlawan sa Marso 28.
Raya ro ginpahayag ni VP Duterte kat ginpangutana kon ano ro plano it andang kampo sa birthday it anang ama.
Suno kana nga ginhambae nana sa andang mga supporters nga magtipon-tipon eon lang sanda kaibahan ro andang mga grupo ag mag-picnic sa nasambit nga adlaw bangud nga kinahangean pa nanda nga mag-ea-ong sa Dutch government kon may mabahoe nga pagtililipon it mga supporters it dating presidente sa The Hague.
Ginklaru ni VP Duterte nga bukon it rally ukon protesta ro andang patigayunon kundi simpleng selebrasyon sa andang natungdan nga mga lugar.
“Maybe mag kanya-kanya lang tayo ng picnic kung gusto niyo nang ganon at wala nang programa para hindi tayo kailangan magpaalam ba kasi it’s not a rally, it’s not a protest, it’s just a birthday picnic and then you can gather kung ano yung grupo niyo kayo yung magsama,” pahayag ni VP Duterte.
Gindugang pa ni VP Sara nga nakataeana man nga maga-agto sa The Netherlands ro anang manghud nga si Veronica ‘Kitty’ Duterte kaibahan ro anang ina nga si Honeylet Avanceña antes ukon sa adlaw mismo it birthday it andang ama.
Nauna kara, nag-apply sigon imaw it permission para sa pagbisita it mag-ina.
