KALIBO, Aklan—Kasunod it mas ginpahaeoga nga travel restriction maskin nga una gihapon ro bilog nga kalibutan sa pakikipagsukoe sa pandemya, maabong mga nasyon ro nagbukas para magbaton it mga pinoy nga gustong magtrabaho sa andang nasyon.
May kaangtanan kara, sangka recruitment agency ro nagpadueong sa banwa it Kalibo ag nakipag-angot sa Public Employment Service Office ukon PESO agud nga magtanyag it trabaho.
Suno kay Angeles Zaico, branch manager it sangka recruitment agency nga halin kat naghagan hagan ro pandemya hay nagabaton eon sanda it mga aplikante bilang bulig sa mga uwa it trabaho partikular ro gusto nga mag-abroad.
Ro daywang adlaw nga recruitment activity sa banwa it Kalibo hay magatapos hin-aga nga adlaw kon siin nagakinahang-ean sanda it mga domestic ag household workers nga gustong magtrabaho sa nasyon it Kuwait, Qatar, UAE, Bahrain, Dubai ag Malaysia.
Nagabulig sanda sa mga aplikante nga makaproseso it andang mga dokumento ag ginasiguro nanda ro welfare it mga raya sa oras nga makaguwa eon it nasyon.
