-- ADVERTISEMENT --
KALIBO, Aklan—Amat-amat eun nga nagalakad it andang mga papeles ro pilang ka mga manugbaligya it paeupok sa bilog nga probinsya it Aklan.
Suno kay FO3 Mark Alvin Patricio, Public Information Officer it BFP-Aklan nga may pila eun ka mga seller it fire crakers ro nagapatikasog agud nga makasunod it nagakaigo nga mga pagsinueondan ag dokumento para sa pagbaligya kara sa nagahieapit nga selebrasyon it Paskwa ag Bag-ong dag-on.
Sa pihak kara, ginpahayag man ni FO3 Patricio nga nagahueat pa sanda it dugang nga guidelines maghalin sa regional office para sa tamang pagplastar it mga paeupok ag ro pagbaligya kara.
Madumduman nga may unang ginpirmahan si Pangueong Rodrigo Duterte nga Executive No. 28 angot sa paglimita sa paggamit it mga paeupok.
