Madinaeag-on nga nakumpleto it Armed Forces of the Philippines (AFP) ag United States Pacific Command ro ika-limang Bilateral Maritime Cooperative Activity sa West Phillippine Sea ko Hunyo 27 hasta 28.
Kaibahan sa mga nagpasakop nga assets it Pilipinas sa nasambit nga aktibidad hay ro BRP Antonio Luna, Philippine Coast Guard (PCG) vessels BRP Melchora Aquino ag BRP Capones .
Samtang, gindeploy man it US ro andang Charles Moulthrope (WPC 1141) ag Emlen Tunnell (WPC 1145).
Sa nasambit nga daywang adlaw nga exercise hay nagpatigayon sanda it serye it interoperability activities kapareho it Communication Exercises (COMMEX), Division Tactics (DIVTACS) / Officer of the Watch (OOW) Maneuvers, Photo Exercise (PHOTEX), Search and Rescue Exercise (SAREX) ag Maritime Domain Awareness (MDA) activity.
Raya eon ro ikalimang bilateral Maritime Cooperative Activity nga ginpatigayon makaron nga dag-on. Ro nasambit nga aktibidad hay nagapakita it alyansa it Pilipinas ag Estados Unidos ag ro padayun nga pagsabat it daywang nasyon sa pagpabaskog it maritime domain awareness, pagpabaskog it operational interoperability ag pagsuporta sa rules-based international order sa Indo-Pacific region.
