Sports —- Mabahoe ro pageaum it Pilipinas nga makabo-oe it bueawan nga medalya ro 19 nga mga atleta nga magasabak sa Olympic games sa Tokyo nga maga-umpisa sa Hulyo 23 hasta Agosto 8.
Ro team Philippines hay pagapangunahan ni Rio Olympics silver medalist ag weightlifting star Hidilyn Diaz, gymnastics world champion Carlos Yulo, US Open golf queen Yuka Saso, ag rising pole vaulter EJ Obiena.
Magiging kaibahan nanda sanday Eumir Marcial, Nesthy Petecio, Irish Magno, ag Carlo Paalam para sa boxing, Kurt Barbosa para sa taekwondo, Bianca Pagdanganan ag Juvic Pagunsan sa golf, Margielyn Didal sa skateboarding, Cris Nievarez sa rowing, Elreen Ando sa weightlifting, Jayson Valdez sa shooting, Kiyomi Watanabe sa judo, Kristina Knott sa athletics, Remedy Rule ag Luke Gebbie sa swimming.
