Pumangatlo ro Pilipinas sa mga nasyon sa bilog nga Asya nga nakakaekperyensya it pinaka-bukon pangkaraniwang init it tyempo nga may kaangtan sa climate change sa nagtaliwna nga 3 buean ukon halin Disyembre hasta Pebrero.
Base sa report halin sa Climate Central, nasayuran nga nakakaeksperyensya it temperaturang una sa Climate Shift Index (CSI) level 2 ukon mas mataas pa sa sueod it 74 nga adlaw nga posibleng rason it pagbag-o it panyempo.
Ro CSI hay sangka sistema nga nagasukat sa epekto it climate change sa temperatura sa sangak nasyon kada adlaw.
Kun mas mataas ro lebel, nagapangahueugan raya it mas mataas nga epekto it climate change.
Nagapangunang epekto man it climate change tuga it tawo hay halin sa burning coal, oil ag methane gas nga kaabuan hay halin sa mga rehiyon sa bilog nga kalibutan.
Base man sa report, masobra 45 million katawo sa bilog nga kontinente ro nalantad sa 30 adlaw nga peligrosong init it tyempo rason it climate change.
Sa Pilipinas, haeos 200,000 Pilipino ro na-expose halin sa 116 milyong kabilugang populasyon. Nagapanguana man sa mga nasyong nakakaeksperyensya it most unusual heat hay ro Brunei Darussalam sa sueod it 83 adlaw ag pangaywa ro Maldives sa sueod it 81 adlaw.
