-- ADVERTISEMENT --
Sueod eon sa quarterfinals it women’s boxing 50kgs. division si Aira Villegas.
Naangkon it Pinay boxer ro unanimous decision kontra kay Romaysa Boulam it Algeria.
Sa unang round hay dominado ni Villegas ro hampang kon sa siin ginpaueanan nana it mga tueop ro Algerian boxer.
Ginpilit pang makaeagas si Boulam apang uwa raya gintaw-an it kahigayunan ni Villegas hasta sa daeayon nga matapos ro last round ag gindeklara imaw nga daog.
Aminado si Villegas nga sa umpisa hay kabado imaw ag ro anang daog hay makabig nga regalo bangud sa natyempo raya sa anang kaadlawan ro nasambit nga hampang.
-- ADVERTISEMENT --
