Pinay boxer Nesthy Petecio, nakasueod eon sa masunod nga round of 16 sa Olympic tournament

Olympic Update —- Naangkon it Pilipinas ro unang kadaeag-an sa boxing matapos nga piyerdihon ni Nesthy Petecio ro anang kaengkwentru pinaagi sa unanimous decision.

Daog si Petecio kontra sa boksidor halin sa Democratic Republic of Congo nga si Sakobi Matshu Marcelat sa Round of 32 sa women’s featherweight division, Sabado it agahon.

Naunahan  ni Petecio si Sakobi sa tanan nga tatlong rounds  it bakbakan rason nga umabante  sa Round of 16.

Uman nga magapakitang gilas si Petecio sa Lunes kontra sa Chinese Taipei na si  Lin Yu-Ting.