Pormal eon nga gin-umpisahan ro kauna-unahang Miss Grand International All Stars (1st Edition) sa ginhiwat nga “Welcome All The Stars to Bangkok & Sashing Ceremony” ku Mayo 19, 2026 sa MGI Hall, Thailand.
Nagserbeng opisyal nga pagbukas it kompetisyon ro nasambit nga seremonya para sa veteran-focused pageant nga gin-partisiparan it 58 kandidata halin sa nagkaeain-eain nga nasyon.
Ginpangunahan raya it Filipino host ag Miss Grand International 2024 nga si CJ Opiaza, kun siin tig sambilog nga ginpakilaea ro mga partisipante ag gintaw-an it personalized sashes.
Kaibahan sa mga representante it Pilipinas nga rumampa sa entablado hay sanday Gazini Ganados, Alexia Nuñez, Fuschia Anne Ravena, Keylyn Trajano, ag Imelda Schweighart, nga nagpakita it kumpiyansa sa swimsuit ag gown segments.
Suno sa organizers, ro MGI All Stars ay espesyal nga edisyon para sa pageant veterans nga may edad 20 hasta 40 nga uwa pa nakakaangkon it major international crown.
Magapadayon ro kompetisyon sa Thailand hasta sa coronation night sa Mayo 30, 2026.
