KALIBO, Aklan—Magapangatubang sa kasong pag-eabag sa Presidential Decree 1602 ukon Illegal gambling ro kapin sa pito ka mga indibidwal matapos madakpan it mga otoridad nga nagapatigayun it iligal nga pagsugae pasado alas 8:45 kabi-i sa Brgy. Linabuan Norte, Kalibo.
Sa ginpatigayun nga operasyon it mga katapo it kapulisan nadakpan ro pitong mga suspek nga ginkilaea kanday Niño Magno, 35-anyos; Joren Magno, 30-anyos; Jun Tapic, 35-anyos; Franklin Armenio, 42-anyos, parehong residente it nasambitang lugar ag Emerson Dela Cruz, 22-anyos; Joshua Reyes, 20-anyos, parehong residente it Brgy. Linabuan Sur, Banga ag Elna Marinio, 36-anyos, residente it Brgy. Libas, Banga.
Naaktuhan it mga otoridad ro nasambitang mga persona nga iligal nga nagahampang it “pusoy”.
Na-recover sa posisyon it mga raya ro kwarta nga naga-abot it 5, 050 pesos ag mga baraha nga andang ginamit sa pagpatigayun it iligal nga aktibidad.
Sa makarun hay nakakulong eon sa Kalibo Police Station ro mga nasambitang suspek para sa nagakaigo nga disposisyon.
