Mabahoe sigon nga bagay ukon bulig ro ginaduso makaron nga Kalibo International Airport Development Project para sa turismo it banwa ag kabilugan nga probinsiya it aklan.
Raya ro naging pahayag ni SB Member Ronald Marte.
Engkaso nga matapos sigon ro nasambit nga plano hay magiging hub raya ku mga airlines sa Panay bangud sa Boracay nga magatao it abong turista sa banwa.
Ro byahe halin sa maabo nga parte it nasyon hay pwede eun makadirekta sa Kalibo.
Panugiron pa nana nga may daywa ka parking bay ro nakabutang sa project nga may suoed nga waeo nga parkingan bukon it parehas sa makaron nga existing parking bay nga may una eamang ap-at ka eroplano ro pwedeng ma-akomodar rason nga nagahueu-eatan pa ro mga flights.
Manami man sigon bangud nga sa bag-ong plano hay may taxi way kung siin magiging sigidas ro pagtugpa ag pag eupad kara it mga eroplano.
Sa pihak nga parte, may plano man makaron nga Pook Eco-Tourism Development Project sa may Pook Jetty Port nga sa makaron hay gindayo eun it mga tawo.
Pasalig man nana nga sigedas man sigon ro pagdaea it mga investors ni Mayor Juris Sucro iya sa banwa it Kalibo.
Ginsiguro man ni SB Marte nga maabong tourist destinations si Mayor Sucro nga ginaplano nga mabahoe nga bulig para sa ekonomiya it banwa.
Pasalig pa nana nga una ro lokal nga gobyerno it Aklan ag Kalibo para sa padayon nga pag-improbar it bilog nga probinsiya ag banwa.
