KALIBO, Aklan–Bantay sarado ro mga kapulisan sa posibilidad nga pagagamiton bilang mga Private Armed Group it pilang mga bentahosong politiko sa maabot nga eleksyon.
Suno kay P/Capt. Rogem Batacandolo it Provincial Internal Affairs Service it Aklan Police Provincial Office ukon APPO nga raya ro kaundan it Letter of Instruction Bantay Kapulisan para sa maayos ag malinong nga eleksyon sa Mayo 9.
Nakabaehag sigon kara ro sistema nga pagagamiton it Internal Affairs Service agud nga malikawan nga magamit ro mga kapulisan bilang Private Armed Groups it mga politiko.
Hugut sigon nanda nga igapatuman ro SAFE ukon Secure, Accurate, Free, and Fair National and Local Elections.
Gindugang pa ni Captain Batacandolo nga ro pahito it mga pulitiko hay makabig nga nagapanaba sa integridad it mga pulis kundi sa organisasyon it PNP sa pangkabilugan.
Padayun sigon ro andang padumdum sa tanan nga mga police officers nga una sa active duty nga magpabilin nga apolitical maskin sa andang mga gina-post sa social media ag likawan nga makisawsaw sa mga kampanya ukon sa sin-o man nga kandidato.
