Ginpasiguro it Philippine National Police (PNP) nga magatao sanda it security assistance kon hinyuon it Office of the Senate Sergeant-at-Arms sa pagserbi it warrant of arrest kontra kay suspended Bamban, Tarlac Mayor Alice Guo.
Ginpahayag ni PNP Public Information Office Chief P/Col. Jean Fajardo nga kaparte raya it andang obligasyon ag commitment sa mga ahensya it gobyerno nga nagakinahang-ean it andang pag-alalay.
Apang, raya hay pagpahaom eamang kon maga-ayo it bulig ro Senado para sa pagdihon it arrest order kontra kay Guo bangud nga may ikasarang ro mga tawuhan it matag-as nga kapueungan it Kongreso nga obligahan ro andang obligasyon.
Madumduman nga si Guo hay naimponeran it suspension bangud sa pagkaeakot it anang pangaean sa illegal gambling operation sa nasakupan nana nga banwa.
