Gin-aprubahan eon ni Department of Budget and Management (DBM) Secretary Amenah F. Pangandaman ro pagpaguwa it Php 69,699,000 bilang suporta sa Protein-Enriched Copra Meal (PECM) Commercialization Project sa idaeom it National Livestock Program it Department of Agriculture (DA).
Ro Special Allotment Release Orders (SAROS) nga gin-aprubahan it sekretaryo hay magaserbing augmentation sa Production Support Services (PSS) on the National Livestock Program.
Tuyo man kara nga sakupon ro mga kinahangeanon sa pagpondo it Protein-Enriched Copra Meal (PECM) Commercialization Project, nga pagasukton pa it taeatapan sa idaeom it 2022 General Appropriations Act.
Suno sa Department of Agriculture, ro proyekto hay nakatutok nga ma-umpisahan ag padasigon ro commercialization bilang sangka tikang para tapnaon ro epekto it nagataas nga presyo it raw materials it feed nga sambilog man sa rason sa pagtaas it presyo it baboy ag manok.
Nasayuran nga tuyo it Marcos administration nga buligan ro agriculture sector sa andang produksyon para ma-maintain ro presyo it mga agricultural products sa manabang level.
