Nagpahayag it suporta si Pope Leo XIV sa temporaryo nga kasugtanan sa tunga it Estados Unidos ag Iran nga nagatuyo nga wakasan ro giyera sa Middle East.
Sa interview sa Castel Gandolfo, Italy, ginpahayag it Santo Papa nga nagapasaeamat imaw sa Diyos bangud nga nakaangkon it kasugtanan ro daywang nasyon ag ginaeauman nga pormal raya nga pagapabakuron sa Biyernes.
Suno kay Pope Leo, mas mayad nga maresolba ro mga owa pagka-ilintindihan pinaagi sa pag-istorya ag negosasyon kaysa sa uman nga pagbalik sa giyera.
Nagaeaum ro Santo Papa nga magiging daean ro kasugtanan agud nga eubusan eon nga matapos ro tensyon sa rehiyon ag makaangkon it pangmabuhayan nga kalinong.
Madumduman nga naging kritikal si Pope Leo ko nagtaliwan sa tensyon sa tunga it Estados Unidos ag Iran, rason nga nakabaton imaw it batikos halin kay U.S. President Donald Trump.
Sa pihak kara, nagapabilin ro panawagan it Santo Papa nga malinong nga pag-istorya ag pagkaeasugot agud nga malikawan ro dugang nga kinagamo ag pagkaduea it maabu nga kabuhi.
