Ginpaathag ni Atty. Harry Sucgang nga may pipila sigon nga mga kaso nga paga-atubangon ro leader it Socorro Bayanihan Services, Inc nga si Jey Rence Quilario ukon mas kilaea bilang Senior Agila kung mapatud-an ro mga alegasyon kontra kana nga ginsaysay ku mga witness.
Raya hay angot sa kung may kamatuoran ro pwersahan ukon involuntary nga pagdaea o pagsunod it mga tawo, child marriage ag child labor nga ginapatuman sa andang organisasyon.
Dugang pa ni Atty. Sucgang nga ro mga kulto sigon hay nagakinahang-ean it mabahoe nga pondo sa pagtukod samtang abo ro naga-intra agud masuporatahan ro mga aktibidad kara.
Manami sigon raya kung andang nahimo hay mga gapananom para sa andang konsumo apang base sigon sa balita nga may mga armas sanda rason nga nagapati si Atty. Sucgang nga may nagasuporta sa grupo.
Dapat sigon nga tutukan it mga otoridad ro makaraya nga klase it topiko agud masayran ro nagapondo sa grupo ag kung haman mas naga-abo sanda bangud basi nga may mga dumueuong sigon nga sa likod kara.
Angot man sa site for contempt nga ginpanaog it senado para sa mga nagapanguna sa SBSI hay bangud sigon sa nagapuril ukon uwa nagasugid it matuod ro mga akusado samtang naga-imbestiga ro mag otoridad, ag ro senado eang ro may gahom nga makadesisyon kung hasta hin’uno sanda sa kustodiya it mga otoridad.
Samtang padayon pa ro ginahimo nga imbestigasyon parte sa nasambit nga kulto ag kay Senior Agila.
Masayuran nga eapnag man ro mga kulto sa ibang bahin it kalibutan kapareho ku America ag Europe.
