KALIBO, Aklan–Posibleng owa eon it matabu nga pagtabon it “tape” sa punta it service firearms it mga kapulisan nga nakasanayan nga obrahon kadungan sa pagsug-aeaw it bag-ong dag-on.
Suno kay P/Col. Crisaleo Tolentino, provincial director it Aklan Police Provincial Office ukon APPO nga owa pa sanda it nabaton nga direktiba angot kara.
Nasayuran nga ginpatuman it PNP ro nasambit nga tikang kasunod it mga kaso it nabiktima it nagtaeang nga bala ag indiscriminate firing kada bag-ong dag-on.
Suno kay Col. Tolentino nga kinahangean nga maging responsable eon lang ro mga kapulisan ag indi eon pagbutangan it tabon nga tape ro punta it andang mga baril.
Paandam pa nana nga magapangatubang sa mabug-at nga penalidad ro sin-o man nga magapatigayon it indiscriminate firing.
