Ginmandu ni Pangueong Ferdinand Marcos Jr. ro preemptive evacuation sa mga residente sa high-risk areas ag ro pre-positioning it rescue teams, relief goods, ag mga importanteng suplay sa pagpahaum para sa Super Typhoon Bavi.
Sa kamatuoran, ginpahayag ni Communications Office (PCO) Undersecretary ag Palace Press Officer Claire Castro nga ginmanduan ni Pangueong Marcos ro mga awtoridad nga i-secure ro safe evacuation centers ag magbutang it livestock equipment zones, tumuron ro alternate routes, magpatuman it sea travel bans, inspeksyunon ro mga importanteng imprastraktura, magtau it tempranong bulig sa vulnerable sectors, ag i-monitor ro flood-related diseases.
Ginmandu man ni Pangueong Marcos ro pagpatigayon it pre-disaster risk assessment scenario meetings, para sa National Disaster Risk Reduction and Management Council (NDRRMC) ag regional counterparts kara nga mag- standby, magpaguwa it alert warnings kun kinahangeanon ag maglunsar it information campaign sa tanan nga channels.
Sa oras nga makasueod ro bagyo nga may international name nga Bavi sa PAR, pagatawgon raya nga Inday.
