KALIBO, Aklan—Nagapabilin nga 1 million pesos ro madag-an nga premyo it magakampeon sa Tribal Group Big Category sa maabot nga “Kalibo Sadsad Ati-atihan Contest 2024”.
Kapin sa 34 contingents halin sa Malinao, Lezo, Ibajay, Makato, Numancia, Banga ag Kalibo sa Tribal Big, Tribal Small, Balik Ati ag Modern Tribal ro nagparehistro para sa dag-unan nga maga-compete sa bilog nga adlaw nga ati atihan street dancing contest nga nakataeana sa enero 20, 2024.
Ro nasambit nga mga tribu hay nakakompleto it mga requirements nga ginsumite sa Municipal Tourism Office bilang preparasyon para sa pagpaguwa it subsidiya.
Nasayuran nga may pilang grupo ag tribu ro indi makapasundayag sa masunod nga sadsad contest bangud sa pag-eabag sa pilang mga sueundanan it komitiba.
Sa pihak nga parte, may dugang nga 10,000 pesos sa subsidy it mga participating tribes nga may kabilugan nga 3.2 milyon pesos.
Ginaproponer nga ro Tribal Big Category hay makabaton it P130,000; sa Tribal Small hay magiging P 100,000; sa Modern Tribal hay may P90,000 ag sa Balik-Ati hay makaangkon it P80,000.
Masaksihan ro Opening Salvo it 2024 ati atihan festival sa Oktubre 7, 2023 sa Kalibo Pastrana Park.
