Nagpaadam ro grupo it mga magunguma sa posibleng pagtaas it presyo it bugas sa buean it Oktubre.
Sa pahayag it Samahang Industriya ng Agrikultura (SINAG), ginatantyang kapin sa P3 hasta P4 ro ginaeauman nga pagtaas sa presyo it bugas sa masunod nga buean..
Ro ginaturo nga rason it SINAG sa pagtaas it presyo it bugas hay ro owa napanupod nga cash aid it Department of Agriculture (DA) sa tyempo it pagpananom it mangunguma sa tunga it pagtaas it presyo it input it taeamnam.
Paathag ma ni DA Usec. Domingo Panganiban, owa napanupod it Landbank ro P5,000 ayuda sa mga mangunguma bangud sa kueang nga requirements.
Sa pihak nga parte, ginsiguro man it opisyal nga pagadasigon it regional offices it DA ro koordinasyon sa Landbank ag mga mangunguma para sa pagpanupod it ayuda.
