-- ADVERTISEMENT --
NATIONAL News — Nakataeana nga magtaas it P70 ro presyo it kada bag it harina nga nagapangunang sangkap sa pag-obra it tinapay.
Suno sa Samahang Industriya ng Agrikultura (SINAG), mag-eowas sa mataas nga presyo it produktong petrolyo, nadelay man ro pag-abot it mga suplay sa nasyon bangud gihapon sa bakbakan sa tunga it Russia ag Ukraine.
Nagtaas man ro presyo sa kada kilo it asukar kun sa siin, magahampang eon sa P5 hasta P8 ro dugang sa presyo it kada kilo it asukar.
Bangud kara, nagpataas eon man ro mga panaderya it presyo it andang ginabaligya nga mga tinapay.
Ro pandesal nga dating P2 eang hay gin-obra eon nga P2.50 ag posible pang magtaas sa P3 kun padayun ro pagsaka sa presyo it mga sangkap sa pag-obra it tinapay.
-- ADVERTISEMENT --
