KALIBO, Aklan–Aminado si P/Lt.Col. Arnel Solis, tagapaghambae it Police Regional Office 6 ukon PRO-6 nga mabahoe nga hangkat para kanda ro maabot nga eleksyon bangud sa ginapangatubang nga COVID-19 pandemic.
Kadungan kara, nag apela imaw sa mga kandidato sa andang tagasuporta kamana man sa publiko nga hugut nanda nga obserbahan ro minimum health protocols sa pagpatigayon it mga rally ag iba pang aktidad kasunod it pag-umpisa it kampanya sa linya it mga lokal nga kandidato.
Suno kana nga kinahangean sa gihapon ro doble nga pagdahan maskin nga ginbo-oe eon it Comelec ro requirement nga permit para sa political rally sa mga lugar una sa idaeum it Alert Level 1 ag 2 kapareho it mga probinsiya sa western visayas.
Ginpadumdum pa kara ro mga pulitiko angot sa COMELEC Resolution 10732 it National COMELEC Campaign Committee , kun sa siin bawae ro mag house to house campaign, bawae ro lamano, beso-beso, pagkupkup ag pagharu.
