KALIBO, Aklan–Magapatigayon it ceremonial send-off ro Police Regional Office ukon PRO-6 sa maabot nga Mayo 2 sa mga kapulisan nga iga-deploy sa mga lugar nga nagakinahangean it dugang nga pwersa agud nga magbulig sa pagpatuman it peace and order sa mayo 9 nga eleksyon.
Suno kay PLTCOL Arnel Solis, tagapaghambae it PRO-6 nga natigayon eon nanda nga matumod ro mga probinsiya sa rehiyon nga nagakinahangean it augmentation.
Magiging kabulig sigon nanda sa pagbantay sa mga voting centers ro mga katapo it armed forces of the philippines, Philippine coast guard ag iba pang ahensiya it gobyerno.
Makaangkon man sigon sanda it standy-by personnel nga magatutok sa monitoring ag quick reaction assistance.
Ginpasiguro pa ni Solis nga may bastante sanda nga manpower para sa eleksyon, kun sa siin ro masobra sa 13,000 nga mga personnel it PRO 6 hay iga-utilize sa eleksyon.
