KALIBO, Aklan—Ginpasiguro ni Former Sangguniang Panlalawigan member Soviet Russia Dela Cruz sarang bantayan ag proteksyonan it Office of the Provincial Veterinarian kaibahan ro iba pang natungdan nga ahensya it gobyerno ro bilog nga probinsya it Aklan kontra sa African Swine Fever (ASF).
Raya hay matapos it nailistang sangka kumpirmadong kaso it ASF sa sangka banwa sa probinsya it Iloilo.
Presente sigon nga nagapatuman it hugut nga pagbantay ag monitoring ro OPVET kabulig ro PNP ag Coast Guard sa mga entry ag exit point it probinsya.
Raya hay matapos it ginpaguwa nga Executive Order ni Governor Joen Miraflores ko nagtaliwan nga dominggo.
Nakabaehag sa EO ro hugut nga pagbawae sa pagpasueod it mga buhi nga baboy, ginkatay nga karne, frozen ag processed meat products kaeakip ro mga de lata ag eaha nga suea halin sa kaeapit nga mga probinsya.
Sa pihak nga parte, ginpaathag ni Dela Cruz nga magaserbi raya nga mabahoe nga hangkat sa mga local hog raisers kung paano maproteksyunan ro andang alagang baboy kontra sa ASF.
Tyempo eon suno kana para mataw-an it prayoridad ag sakdagon it mga pumueoyo ag mga business establishment sa isla it Boracay ro pagbakae sa mga karne it baboy halin sa sueod it probinsya it Aklan.
