KALIBO, Aklan — Temporaryong nakahilway ro sangka pulis matapos nga makabayad it piyansa sa kasong reckless imprudence resulting to physical injury nga ginpasaka kontra kana.
Ginkasuhan si Staff Sergeant Erwin Perez nga naka assign sa Aklan Police Provincial Office (APPO) matapos nga masaeawig ro daywang menor de edad nga estudyante samtang nga nagatabok sa pedestrian lane ko adlaw it Martes sa Brgy. Estancia, Kalibo.
Insigidang nagbayad it piyansa nga kapin sa P3,000 ro pulis.
Sa imbestigasyon it Kalibo PNP, natabu ro insidente samtang nagamaneho si Perez it anang saeakyan halin sa Banga paadto sa Kalibo kat aksidenteng masaeawig ro mga biktima nga naga-edad it 12 ag 14 anyos nga dayun nga gindaea sa Panay Health Care para sa nagakaigo nga pagbueong.
Suno kay Perez uwa nana mapan-uhan ro mga estudyante bangud nga idto anang atensyon sa traffic enforcer.
