Nagapati si House Quad-Committee Lead Chairperson Robert ‘Ace’ Barbers nga uwa naka-apekto sa boto it mga kandidato it ‘Alyansa para sa Bagong Pilipinas’ ro impeachment complaint nga ginpasaka kontra kay dating VP Sara Duterte.
Partikular nga gintumod ni Barbers ro Mindanao votes nga nabuoe it Alyansa candidates.
Gin-insister it kongresista nga ro resulta it eleksyon ro mismong naghambae nga uwa raya naka-apekto sa pagdaog it mga kandidato it administrasyon.
Paathag pa it batikang kongresista, kon sangka political liability kunta ro impeachment, dapat hay uwa nagdaog ro mga kongresista sa andang tagsa ka mga distrito.
Sa baylo hay naging mainit gihapon ro pagbaton it mga botante kanda para ibutang it uman sa andang opisina.
Si Barbers hay sambilog sa mga Mindanao lawmaker nga pumirma sa impeachment kontra kay VP Sara.
Imaw ro nagserbeng chair it gamhanang Quad-Committee nga nag-imbestiga sa koneksiyon it Duterte drug war, Philippine Offshore Gaming Operators (POGOs), Chinese drug smuggling, money laundering, ag iba pang krimen.
