KALIBO, Aklan—Gin-lift eon it Hongkong government ro quarantine period para sa mga overseas Filipino workers nga magasueod sa nasambit nga rehiyon.
Suno kay Bombo International Correspondent Marylou Borra, manami raya nga balita para sa mga OFW’s nga gustong magbakasyon sa Pilipinas bangud nga uwa eon it sab-eag ro andang pagbalik.
Raya suno kana nga requirements ro ginaayawan it mga employers bangud nga dugang gastos para kanda ro pagpaquarantine sa andang employee sa hotel nga gintaeana it gobyerno.
Apang, required gihapon ro home quarantine sa sueod it pitong adlaw nakadepende sa employer kon patag-uran ro nasambit nga adlaw.
Samtang, required gihapon sa nasambit nga rehiyon ro pagsuksok it facemask eabi eon sa outdoor areas agud nga malikawan nga matapnan it virus maskin nga medyo balik eon sa normal ro pagpangabuhi it mga tawo.
Maabo eon suno kaan ro mga turista nga nagasueod sa rehiyon bangud sa ginpahaeogaan pa it husto ro travel restrictions.
