Posibleng mapasa-idaeom sa kustodiya it US Marshals si Pastor Apollo Quiboloy kun aprubahan it gobyerno it Pilipinas rp extradition request it Estados Unidos, suno kay Philippine Ambassador to the US Jose Manuel “Babe” Romualdez.
Ginhambae ni Romualdez nga pormal eon nga nasumite it US ro extradition request sa Pilipinas ag presente eon raya nga nagapasaidaeom sa legal nga proseso matapos iendorso it Department of Foreign Affairs sa Department of Justice.
Kun maaprubahan, direktang daehon si Quiboloy sa Los Angeles, kun siin nakahathat ro anang mga kaso.
Nagapangatubang si Quiboloy sa mga kasong sex trafficking, human trafficking, fraud, racketeering ag bulk cash smuggling sa US.
Samtang, nagapabilin imaw nga nakakulong sa Pasig City Jail bangud sa bueang nga kasong qualified human trafficking ag iba pang kaso sa Pilipinas.
