Ginaimbestigahan eon it Federal Bureau of Investigation, US Justice Department ag iba pang state agencies ro una sa likod it ginpakalhit nga racist mass text messages sa mga Black American ko kasagsagan it 2024 US Presidential elections.
Naireport ro pagpadaea it text messages halin sa anonymous individuals sa nagkaeain-eain nga estado it Amerika kaibahan eon sa New York, Alabama, California, Ohio, Pennsylvania, Maryland ag Tennessee.
Suno kay Federal Communications Commission Chair Jessica Rosenworcel, ginpadaea ro nasambit nga mga text message sa mga onga ag college students nga nagresulta it pagkabaeaka.
Suno mat-a kay Louisiana Attorney General Liz Murrill, gumamit ro sender it Virtual Private Network (VPN) para inde matunton ro ginhalinan kara.
Samtang, nauna eon nga ginklaro it presidential campaign ni US President-elect Donald Trump nga uwa sanda it kaangtanan sa nasambit nga pagpakalhit it racist text messages sa Black Americans.
