KALIBO, Aklan — Ginaeaumang sa Disyembre 2019 pa matapos ro nagapadayong rehabilitasyon sa isla it Boracay.
Raya hay sa pihak it nakataeanang pagbukas it nagapangunang tourist destination sa Oktubre 26 matapos ro an-om nga bueang temporaryong pagpasarado.
Sa interview it Bombo Radyo, aminado si Community Environment and Natural Resources Office (CENRO)-Boracay head Atty. Richard Fabila nga indi pa matapos ro road construction sa nasabitang petsa ag ro mga hotels ag resorts nga pasugtang maka-operate hay ro mga naka-comply eamang sa DENR, DILG ag DoT.
Agud inde sigon maapektuhan ro mga turistang magabakasyon, inde anay mag-agi ro mga raya sa mga main roads kundi sa front beach kaparehas it dating nakasanayan, kon siin plano inter-agency task force nga magbutang it pontoon ukon floating landing area.
Sa pihak kara, ginpasiguro ni Atty. Fabila nga “all systems go” eon ro reopening it Boracay matapos nga maayos eon ro problema sa kalidad it tubi kamana man ro mga depektibong drainage.
