KALIBO, Aklan–Ginpasidunggan it mga miyembro it Sangguniang Panlalawigan it Aklan ro dating Provincial Director it Aklan Police Provincial Office (APPO) nga si Retired Police Colonel Ramir Perlito Perlas.
Ginkilaea it provincial government ro manami nga serbisyo ag pagdumaea ni Perlas sa bilog nga probinsya umpisa nga magpungko raya sa pwesto.
Eubos man ro naging pagpasaeamat it dating opisyal sa gintao kana nga pagkilaea.
Nagaeum sigon imaw nga mas pang maging mahugod ag tampad ro mga police officer para mapabilin ro kaayusan ag katawhayan sa Aklan.
Disyembre 3, 2021 kat eubusang magretiro sa serbisyo si Perlas kung siin ginbayluhan imaw ni Police Colonel Crisaleo Tolentino, Acting Provincial Director it APPO.
Si Perlas hay nagserbisyo it masobra tatlong dekada sa nasyon kung siin sambilog imaw sa mga tampad nga police officer nga nagaprotekta sa kinamatarong ag kamaeayran it kada pumueoyo.
Madumduman nga pormal nga nagpungko bilang Provincial Director it APPO si Perlas ko buean it Enero 2021.
