KALIBO, Aklan — Maisog nga ginpahayag ni Matt Wacan, sangka retired Philippine Army lieutenant nga haum sigon imaw nga magpabaril sa Kalibo Pastrana Park kun gusto it mga pumueuyu nga makabalik ro mga miyembro it New People’s Army (NPA) sa Aklan bilang pagpakita it anang hugut nga panindugan sa kampanya para sa kalinong ag kaayusan sa probinsiya.
Raya hay kasunod it gina-alegar nga pagduda it progresibong grupo nga Bagong Alyansang Makabayan (Bayan) Aklan sa katuyuan it pagtukod it Camp Libas Defense Press Corps.
Suno kay Matt Wacan nga mabahoe eon ro naging progreso it Aklan sa nagtaliwan nga 15 anyos sa pagtapna it armadong kilusan ag pagpabakod it kalinong sa mga komunidad.
Bangud kara, ginhangkat man nana si Tugna nga magpabaril sa plaza kon indi magpasugot ro publiko nga magbalik sa dating magulo nga sitwasyon bangud sa pagpasilabot it mga NPA.
Si Matt Wacan, sangka retired Philippine Army lieutenant
Sa pihak nga parte, nagpanindugan si Kim Sin Tugna, provincial coordinator it Bayan-Aklan nga owa it kamatuoran ro pasibangud it National Task Force to End Local Communist Armed Conflict (NTF-ELCAC) nga sanda nga mga lehitimong organisasyon ag aktibista ro nagaserbi nga mga legal front ukon tagasuporta it armadong kilusan.
Dugang pa nga mabahoe man nga kapurilan ro bansag kanda nga mga terorista.
Suno kana nga owa man sanda naga-recruit sa sin-o man nga magsueod sa armadong pakikibaka.
Ro bulok sigon nga sistema it gobyerno ro nagatueod mismo sa mga pumueuyu nga mag-alsa.
Si Bagong Alyansang Makabayan ukon Bayan Aklan provincial coordinator Kim Sin Tugna
