Kalibo Aklan———-Nagapabilin nga naka-confine sa Aklan Provincial Hospital ro sangka motorista matapos nga tumumbabo sa ginasakyan nga motorsiklo sa national highway nga sakop it Brgy. Lupo, Altavas.
Una kara, madasig sigon ro pagmaneho ni Rowel Dela, 26-anyos it Brgy. Kinasay-an sa nasambit nga banwa rason nga uwa kara nataeopangdan ro nagatabok nga biktimang si Wilfredo Onayan, 65-anyos, residente it nasambit nga lugar rason nga natigayon nana raya nga nasunggaban.
Bangud kara, inapok si Onayan nga gintunaan man it anang pag-angkon it lastro sa nagkaeain-eain nga parte it eawas ag matapos nga gin-eapatan it paunang medikasyon sa Altavas District Hospital hay insigida man nga ginrefer sa sangka ospital sa probinsya it Capiz.
Samtang, si Dela hay padayon nga ginabueong sa ospital iya sa banwa it Kalibo matapos nga nakaangkon man it kasakitan ag lastro sa ueo tuga it anang pagkatumba.
Ro aksidente hay padayon pang ginaimbestigahan it Altavas PNP.
