KALIBO, Aklan — Patay ro sangka rider matapos bumangga ag pumaubos ro anang motorsiklo sa sangka tourist bus sa national highway nga sakop it Brgy. Dongon West, Numancia, Aklan.
Magapaliko kunta ro biktimang si Edgardo Tuazon, 65, residente it Brgy. Dongon East, Numancia kat banggaan it nagapaabot nga bus sa nasambit nga lugar.
Sa mayad nga swerte hay owa man it naninahan sa siyam nga turistang Koreano nga sakay kara.
Ginsaysay man it bus driver nga si Cesar Romulo, Jr., 30, residente it Brgy. Bakhaw Norte, Kalibo, owa nana ginahungod ro hitabu, bangud sa sueod sigon it 10 anyos nana nga pagiging driver hay makaron eamang imaw naeakot sa aksidente.
Bangud sa kabaskog it pagkabangga, nag-angkon it mabahoe nga nina sa ueo ro biktima ag iba pang parte it eawas nga namatay sa lugar it gin-eontaran it aksidente.
