Saleslady it sangka establisimento komersiyal sa Aklan, ginbulgar sa Bombo Radyo ro pagbaylo it expiration date it pila sa m,ga ginabaligyang produkto

KALIBO, Aklan — Sangka mabahoe nga establisimento sa Kalibo, Aklan ro napabalita nga nagabaligya sigon it mga expired nga produkto eabi eon ro mga imported products nga owa it return.

Sangka saleslady nga nagpamalibad nga magpamitlang it pangaean ro nagbulgar sa Bombo Radyo Kalibo nga ginapaea ag ginabayluhan sigon it pila sa anang mga kaibahan ro petsa it expiry date nga nakabutang sa mga mapaso eon nga produkto eabi eon ro mga imported coffee nga bukon it masyadong mabakae.

Dugang pa it saleslady nga ginakaltas sa andang sweldo ro mga items nga owa nabakae nga kaeakip sa andang gin-ubrahan it expiration report.

Bukon eamang sigon it imaw ro nakaka-experiensiya it makaraya nga klase it patakaran ku management it nasambitang establisimento.