-- ADVERTISEMENT --
KALIBO, Aklan—Ginbitbit it mga otoridad ro sangka eaeaki matapos nga magbayolar sa ginapatuman nga COVID-19 curfew ordinance pasado alas 9:15 kabi-i sa national high way nga sakop it Brgy. Tigayon, Kalibo.
Ginkilaea ro eaeaki kay Mike Diaz, 35-anyos, residente it Brgy. Linabuan Sur, Banga.
Base sa report, halin sigon sa anang gina-trabahuhan nga sangka motorcycle spareparts sa banwa it Kalibo si Diaz kung sa siin nag-overtime sigon raya para tapuson ro anang gina-ubra.
Maeuwas sa pag-eabag sa curfew hay owa pa it lisensya sa pagmaneho si Diaz.
Rason nga gin-aresto imaw it mga kapulisan kaibahan ro anang ginamaneho nga tricycle para sa nagakaigo nga disposisyon.
-- ADVERTISEMENT --
