KALIBO, Aklan—Sangka firecracker incident ro nailista kabi-i pilang oras antes ro pagsug-aeaw it bag-ong dag-on.
Ro biktima hay nakilaea kay Melchor Casoy, 41-anyos, residente it Brgy. Mataphao, New Washington.
Nagapaniggitan sa sobrang kasakit si Kasoy kat gindaea raya sa Aklan Provincial Hospital matapos nga maeukpan it whistle bomb ro anang tuo nga alima.
Ginasugid nga dungan nga ginsindihan it biktima ro daywang whistle bomb direkta sa anang alima.
Haeos ro kuma-ingking eon lang ro nabilin sa tuo nga alima it biktima tuga it mabaskog nga impact it pag-eupok.
Dugang pa kara nga una sa idaeom it impluwensya it makahieilong nga ilimnon ro biktima kat matabo ro insidente.
Gilayon pa nga ginsinggitan it anang mga kaibahan ro biktima nga buhian eon ro sambilog nga whistle bomb nga owa nag-eupok apang ulihi eon ro tanan.
