-- ADVERTISEMENT --
KALIBO, Aklan—Sangka aksidente ro nag-eontad sa kabahaon it Brgy. Linaubuan Sur, Banga kaina it agahon.
Gina-imbolbaran raya it sangka motorsiklo ag pribadong behikulo.
Ginasugid nga maga-U-turn kunta ro saeakyan samtang ro motorsiklo hay naga-paadto sa direksyon it banwa it Kalibo kat matabo ro aksidente.
Bangud sa kabaskog it impact, natigayun nga matumba ro motorsiklo ag nakaangkon it pilang kasamaran kamana man nga ro kotse hay napingas ro naidaeom nga porsyon it printi it behikulo.
Ro insidente hay padayun pang gina-imbestigahan it Banga PNP.
-- ADVERTISEMENT --
