KALIBO, Aklan—Sangka babaye ro nagparecord sa Kalibo Municipal Police Station matapos nga ginsaka sanda it manakaw bandang alas-4:00 kaina it aga-aga sa Purok 5 C. Laserna St. Brgy. Poblacion, Kalibo.
Ginasugid it biktima nga uwa eon nagpakilaea nga nabugtawan kara ro amat-amat nga pagguwa it suspek daea ro anang bag nga may sueod nga kwarta ag mga importanteng dokumento.
Bangud kara, insigida imaw nga nagsinggitan sa anang asawa apang uwa eon nanda naabutan ro suspek rason nga nagdiretso eon lang sanda sa taeatapan it pulisya para magparecord.
Ginapatihan it mag-asawa nga sa bintana nga maisot nga nakabukas nakasueod ro suspek ag sa anang pagguwa hay sa main door eon raya nag-agi.
Ro insidente hay ginpakamayad eon lang nga idangop it mga biktima sa otoridad agud nga mataw-an it awareness ro iba pa.
