-- ADVERTISEMENT --
KALIBO, Aklan—Nakataeanang magapangatubang sa kaosng pag-eabag sa Republic Act 10591 ro sangka eaeaki matapos nga madakpan nga may bitbit nga armas sa Sitio Hagakhak, Brgy. Baybay, Makato.
Ginkilaea it Makato PNP ro suspek nga si Russel Inocencio, 42-anyos ag residente it nasambit nga lugar.
Una kara, nagrequest it police assistance ro opisyal it barangay matapos nga makit-an nga nagamaoy ro suspek ag may bitbit raya nga armas.
Bangud kara, insigidang nagresponde ro mga otoridad kon sa siin naaktuhan ro suspek nga may bitbit nga mahaba nga armas rason nga gilayon imaw nga gindaea sa Makato Police Station kon sa siin imaw sa makaron nakakustudiya para sa nagakaigong disposisyon.
