KALIBO, Aklan—Sangka eaeaki ro nagsurender it bukon it lisensiyadong baril sa pulisya sa idaeum it OPLAN TKAL ukon Tokhang Kontra Armas Luthang sa banwa it Altavas.
Ginpahayag ni P/Lt. Ryan Batadlan, OIC Chief of Police it Altavas Municipal Police Station nga personal nga ginsurender ni alyas Steve, 24 anyos it barangay Man-up, Altavas ro anang caliber 22 revolver nga owa it serial number.
Suno kay Lt. Batadlan nga raya hay bunga it pagtinguha it andang taeatapan sa pagpatigayon it information dissemination pinaagi sa mga dayalogo , pulong-pulong, BIN coordination ag pagpanupod it IEC materials sa mga pumueuyu kabaylo it mga groceries.
Kadungan kara, nag apela ro opisyal nga suportahan ro andang OPLAN TKAL pinaagi sa pagsurender ukon pag-report it anuman nga loose fire arm sa Altavas PNP nga kaparte man it programa agud nga mapabilin nga eowas ag malimpyo ro nagahilapit nga May 9, 2022 nga national and local elections.
