KALIBO, Aklan—Nasapwan eun lang nga owa eun it kabuhi samtang nagahapa ag nagapaligos sa anang kugalingon nga dugo ro sangka eaeaki sa binit it karsada sa Brgy. Camanci Norte, Numancia.
Ginkilaea ni PSSgt. Felizardo Navarra it Numancia PNP ro biktima nga si Wilfredo Tamayo Jr., 39 anyos ag tumandok it Brgy. Mangan, Banga apang presenteng naga-istar sa Purok 4, C.Lazerna Street, Barangay Poblacion Kalibo.
Ginapahayag nga kada gabi-e hay nagabiyahe it anang tricycle ro nasambitan nga biktima.
Hasta makarun hay owa pa nakit-an ro ginamanehong tricycle it biktima nga posibleng gindaea it suspek.
Ginasugid nga madueom ro nasambit nga lugar kon sa siin imaw unang nakit-an it mga binatilyo nga ginaeauman nga sangka hilong eamang ag natueogan.
Sa makarun hay nagapadayun pa ro imbestigayon it mga otoridad agud nga matumod ro una sa likod it nasambitan nga krimen.
