KALIBO, Aklan—Ninahan ro sangka eaeaki matapos nga gin-eabo it kaugalingon nga manghod sa Brgy. Venturanza, Banga.
Ginkilaea ni P/Chief Master Sargent Sablaon it Banga PNP ro biktima nga si Jose Namayan, 45-anyos samtang ro suspek hay si Felix Namayan, 36-anyos ag parehong residente it nasambit nga lugar.
Sa inisyal nga imbestigasyon it pulisya, naga-inuman ro daywa kat gulpi eamang nga napaeong ro iwag sa pag-eaum nga nag brown-out.
Apang, ginapatihan it suspek nga ginpeaong raya it anang magueang nga nagresulta it andang pagdiskusyon nga daywa.
Antes pa man ro pagpang-eabo hay nakabueo it tubo ro sambilog kanda apang gin-unahan eagi it pag-eabo it manghod ro anang magueang nga gintunaan it anang pag-angkon it lastro sa tu-o nga alima.
Maswerte eamang sigon ag daplis eamang ro lastro it biktima kon sa siin matapos nga gin-eapatan it medikasyon sa Aklan provincial hospital hay gilayon man nga ginrefer sa out patient department it baeay paboengan.
Samtang, ro insidente hay padayon pang ginaimbestigahan it Banga Police Station para sa nagakaigong disposisyon.
