Sangka eaeaki ninahan matapos nga gin-eapog it sibilyana sa Brgy. Bacan, Banga

KALIBO, Aklan—Ninahan ro sangka 27-anyos nga eaeaki matapos nga maiguan it gin-eapog nga sibilyana it sangka 18-anyos nga daeaga sa Brgy. Bacan, Banga.

Base sa report, samtang nagabakae it sigarilyo ro biktima sa baraka nga ginapanag-iyahan ko pamilya it suspek hay gulpi eamang sigon nana raya nga linapog ag umigo gid ro taeom it sibilyana sa anang siko nga nagresulta sa anang pag-angkon it lastro.

Ginasugid nga may deperensya sa paino-ino ro daeaga rason nga maabong kapulisan ro nagpuko kana para eamang mapakalma raya.

Ro insidente hay natigayon eon man nga  nasettle it magtimbang nga parte.